Uia. Also der Start ins nuie Jaur 2023 war wirklich ...wahnsinnig fulminantig. Onser boirsch-schwäbisches Musik & Humorprojekt nach Art des Mundes hat fei viele Leit g´falla.
Über vier Milliona (Ui!) Leit hand dia Sendung "Schwaben weissblau" gseah. Dau hand mir nämlich onser nuis Liadle präsentiert - "D´r Hektiker". Isch des et schea? Ond auch dia zwoi Premierenvorstellunga vom nuia Programm "Schwablantis is calling" - Leit, mir sagat´s Eich: Des war fei teilweise spektakulär. G´wiß!
Ond nau war no ebbes b´sonders: Des diesjährige "schwäbische Derblecka" mit onserm Karl Bader als "Bruder Baderbas" ond einer Rede aus d´r Feder vom Hermann Skibbe war aloi scho a Sensation. No dazua hat´s nau no a Premiera geaba, nämlich dia schwablantische Präsentation des niegelnagelneuen Titels "Das 11. Gebot" (also, ihr wissat scho - des Reinheitsgebot halt). Ond wissat Ihr wer dau allt´s d´rbei war? Net blos der MP Dr. Söder, sondern au die Fraktionsspitza fast aller im Landtag vertretena Parteia.

So hoißt des nuie Programm:

"SCHWABLANTIS IS CALLING"

Kommat, guggat ond horchat!