D´Gschicht

Jetz isch´s ja a so, dass ma net unbedingt glei wissa ko um was dass´es überhaupt gat. Desweage die Seit. Guat. Gell.

Schwblantis_V7_finale.png

Horchat:

Um was gat´s denn überhaupt?

Schwablantis und des gesamte bayrische Schwaubaland isch vom Untergang bedroht.
Zum oina wartet a gigantisches Hochwasser blos drauf dass es lossströma darf. Ond schuld isch blos die Wassermafia hinter der  die 'All Geier' steckat. Mit ihre grausame Schneakanona beflockat di ihre Schipischten au dann no wenn se scho unterm Meeresschpiegel liagat. Zum andra leidet di Region an am gewaltiga Mindelwertigkeitskomplex -  wobei ma sich eigentlich net verschtecka muiast.
Nirgends gibts so liebevoll beblüamte Verkehrsinsla wia hier und dr Flexibus dreaht gera mal a Ekschtrarunde um so a Insl. Guad, s'isch net allzuviel los und modisch gseah isch eventuel Luft nach oaba. Wia ma übrigens am Schorsch - onsrem Hauptdarschtellr- ganz guat seha ka. Der ziaht seine Gommistiefl net mal zum Schuablattla aus. Was sei  angebeatete Inge - die freile aus Inginga kommt-  net gar so guat findet. Zumal er seine letschte Gommistiefl dann au no im Autlet kaufat hat - ond jetzt hand dia Löchr….ond zwar mehr als dia zwoi zum obaneischlupfa….Zefix
Für di Sittlichkeit und Ordnung sorgt dia Frau Meier - a international erfahrana Politesse mit einer Uniform dia sich 'Sie' schreiba tuat. Abr dr Schorsch bekommt irgendwann an Strafzettl zviel - wobei er zerscht no denkt hat es wär a Liabesbriaf von dera Frau Meier. Er beschliesst daruafhin in'd Schtadt zum ganga - nach Augschburg….gfällt ihm eigentlich recht guat der Sommr im Städtle.
Abr das stille Örtchen Ingingen ruft und Schorsch sagt Ja. Auf dera Hochzeit taucht a mischteriöser Fremdr auf - di Leit sagat er wär dr Torftrottl. Abr im Endeffekt isch des genau derjenige der a wichtige Botschaft in am Rinder-Überaschungsei finda duat - in am Kuhpflada also…
..die Botschaft hoist - 'Scheiß drauf!''….mit dera jahrhunderte alta Einschtellung gat alles viel oifacher. …Und mit Hilfe vom jonga Sepp - dem Frontman der HipHop Gang - die Räpublikaner - gelingt es ihm einen Ausweag zum fenda…..abr Herrschafta - jetzt net alles verroata!
Blos soviel - es gat blos wenn ma Schwäbisch schwätzt - odr schweigt.

Drum sichrat Eich  a billetle für dieses Singschpecktakel, net das des  kassaheisle vorher ontergat.